【點新聞報道】離譜！日前有食客在尖沙咀一間茶樓用餐期間，驚見頭頂天花板金屬格柵處有老鼠在走動，事件引起網民關注。
該名食客上傳影片至社交平台，驚呼「癲X咗，見呢排咁多人推某間茶樓做緊宵夜火鍋放題，今晚同個friend食食下聽到上面有啲怪聲，一望上去我同個fd都stone（石化）咗喺度，係有2隻大米奇，CXS。」食客繼續指，「啲姐姐同經理仲要好似無乜反應，今次真係有PTSD（創傷後壓力症）」。食客無奈表示，「其實佢（老鼠）就係差啲跌落嚟，佢隻腳喺天花啪啪聲咁撐住，我哋先知」。
從食客上傳的影片中可見，當時食客正在用餐，枱面上火鍋正在沸騰中，抬頭一望頭頂天花金屬格柵處，竟有一隻身體肥碩的老鼠在走動。其間老鼠還曾停下盯着鏡頭數秒，不停嗅聞。食客身旁的樓面阿姐亦兩次抬頭觀察情況，但阿姐神情鎮定。
影片掀起熱議，許多網民紛紛留言：「做開餐飲會明點解無反應」、「要報食環，下次跌落嚟，仲大鑊」、「其實冇咩可以做，唔通擒上去捉佢咩…」、「點解天花會打開…」、「間間茶樓有老鼠係常識啦，灣仔區最多一打開天花全部都係」、「報食環」、「大廚現身觀察食客反應」、「隻鼠行過槽推啲塵或屎落嚟已經唔洗（使）食啦」、「日見夜見，員工嚟，梗係無反應」、「總廚嚟㗎」。
（本文為作者觀點，不代表本媒體立場）
收藏
取消收藏
分享
