【點新聞報道】已舉家移民英國的過氣歌手吳日言，近日回港擔任YouTube節目嘉賓時，自爆至今仍未適應英國生活，大呻女兒上學被孤立、與丈夫陷婚姻危機、健康出狀況，開餐廳遇惡客負評。
吳日言近日接受鍾慧冰的YouTube節目《冰姐的花樣人生》訪問，指當初決定移民的最大原因是一年半前大女升小一派位結果不理想：「派到第7志願，真係好失望，最後下定決心陪小朋友去第二度升學。」然而，大女剛到英國讀一年級時，雖然沒有功課和考試壓力，卻常常放學回家表示不喜歡上學，原來她在學校交不到朋友，「小息嘅時候自己一個人玩，佢有嘗試問人哋可唔可以一齊玩，但人哋話唔同佢玩。佢好唔捨得香港，話點解以前好多人陪，呢度搵唔到朋友。」為了幫女兒融入，兩公婆只好積極結識其他家庭，靠家長聯誼來幫女兒擴闊社交圈子。
吳日言坦言作為打理家庭的一方，曾埋怨老公未能分擔家務與照顧子女：「你會覺得為何全部都要自己一手一腳做，小朋友又不去幫忙看顧，就會產生很多摩擦。」兩公婆更曾陷入婚姻危機，「我同老公鬧過一場大交，真係要三口六面傾吓大家要點樣冷靜處理，點樣去面對將來嘅生活，真係呢度生活㗎喇喎，唔係大家冷戰就得，大家成年人嚟㗎嘛，咁先能夠解決到件事。」
吳日言透露，到英國後，曾經歷一次健康危機，「咳到好像『痴肺』一樣，一躺下就咳得特別厲害，咳了十幾日，連上落樓梯都喘不過氣！」血含氧量更暴跌至92，於是她急忙前往急症室求醫，醫生證實她感染肺炎，需要留院接受抗生素治療。她直言，看醫生時最大的難關是有「語言障礙」，遇到不懂的醫學名詞只能偷偷錄音，再發給老公求救。
吳日言大約7個月前在當地開了一間東南亞菜餐廳，大嘆辛苦程度超乎想像，她不但要在餐廳裏面「洗大餅」（洗碗碟），還要清潔整間餐廳。然而，最沮喪的是要面對食客的難聽說話與攻擊，她自問EQ未夠高，難免會感到委屈，「我咪即刻入廚房，斟一杯水然後講粗口囉！跟住飲杯冰水冷靜下囉，有時會好嬲，諗吓為乜呢？」
對於英國超慢的生活節奏，吳日言表示極度不習慣，慨嘆在香港安裝上網只需幾秒鐘打個電話，但在英國由零系統到安裝成功，足足等了兩個月，笑言「朋友話你喺英國只能夠做一件事，係真嘅。」
收藏
取消收藏
分享
