【點新聞報道】伍詠薇（伍姑娘）與李凱賢（Brian）主持的HOY節目《九運會客室》網上人氣高漲，嘉賓爆料環節尤其吸引。伍姑娘直言自己是中女，節目又以「中女」嘉賓為主，人生歷練豐富，內容會好有興趣。
不過，伍姑娘透露曾食閉門羹：「有啲朋友會先觀望，而家知道節目風格後，反而主動打嚟話想上。」Brian笑言原本以為50歲以上才叫「中女」，還打趣伍姑娘是「阿嬋級」主持：「我當然知伍詠薇係邊個，初次接觸覺得佢真係nice，雖然有時動作癲咗少少，但一路做慢慢夾，感覺到佢係好人。」他最難忘訪問羅霖：「羅霖係我最鍾意嘅其中一個，佢好好！當年《真情》首歌好似國歌咁，一聽到就要起身致敬。」
二人預告今（6月1日）晚播出集數請來簡慕華及梁嘉琪，觸及娛樂圈「鹹豬手」話題。伍姑娘重提未入行時的經歷：「當時遇到有人用性器官頂住我，我即刻捉住佢鬧，好在好多街坊幫手。想話畀大家知，遇到呢啲事要講出嚟！」她又指沒預期楊思琦的訪問會掀起熱話，更大讚對方。
對於楊思琦一集引發迴響，伍姑娘補充：「我作為主持分享自己冇參與過嘅事，只係講緊人哋嘅經歷，所以迴響都係問番佢，唔會問我。咁啱嗰次工作我有份參與，我先分享拍戲時有喜有悲嘅真實事。我哋係分享形式，冇諗過咁大迴響，又『邊個邊個』、『誰是兇手』嗰啲遊戲，我冇玩亦冇諗過。如果你問我係咪邊個？我唔會答。因為當日同思琦妹講開呢個話題，就講咗呢件真人真事，佢都知道我哋會傾。」
（點新聞特約記者陳惠芳報道）
收藏
取消收藏
分享
