【點新聞報道】張德蘭為慶祝入行60周年，昨晚（30日）首度踏上紅館舞台舉辦《相識是緣份張德蘭演唱會》。儘管上月左肩意外受傷，她依然狀態大勇，邊唱邊跳，展現驚人唱功，圓了多年的紅館夢。演唱會更驚喜連連，汪明荃、黎耀祥、區瑞強擔任嘉賓，Encore時段劉德華更驚喜現身，掀起全場高潮。
張德蘭以粉紅色舞台服、一曲《伴我高聲唱》揭開序幕。唱完《台上台下》後，她感觸地說：「多謝大家，真係好感動。十幾年冇上台開騷，好開心大家仲記得我、支持我。」她提到早前跌倒致左肩脫臼，慶幸無大礙，並感謝朋友關心。她又笑問觀眾：「我跳舞OK嘛？由張圓圓第一日踏上舞台，到今日嘅張德蘭已經60年。我個樣冇乜變嘛？哈哈，豐滿咗少少、成熟咗少少，但把聲冇變！」
嘉賓先由區瑞強率先登場，與德蘭合唱《問》。他笑言：「我同德蘭青梅竹馬，但冇Frankie（德蘭丈夫楊偉誠）咁好彩，佢快啲做到少奶。後來好多聽眾叫我搵德蘭再唱歌，終於說服佢，我哋合作咗6張唱片。」
接着「視帝」黎耀祥與德蘭合唱《默默無言》並擔任獨白。德蘭大讚祥仔靚仔、聲正、演技好。祥仔笑說：「有幾正呀？我攞咗樂悠咭喇！」德蘭笑稱台下很多觀眾也有，祥仔即抵死回應：「咁今晚咪即係樂悠咭同學聚會？」全場爆笑。德蘭表示最愛看《大太監》，祥仔鬼馬道：「你咁重口味鍾意睇太監？我冇做太監好耐喇！」
由張德蘭、汪明荃（阿姐）、沈殿霞（肥姐）及王愛明組成的「四朵金花」是經典組合。演唱會播出當年片段，阿姐現身與德蘭，連同熒幕上的肥姐及未到場的王愛明「隔空」合唱。阿姐回憶：「以前最難唱嘅都交畀德蘭，明明（王愛明）設計服裝，我教跳舞，肥姐指揮我哋。」二人合唱《世界真細小》，阿姐隨後獨唱《勇敢的中國人》，看到舊片段，不禁感觸。
德蘭感謝黎小田、顧嘉煇、盧國沾、鄭國江等恩師，哽咽說：「佢哋打造咗今日嘅張德蘭。」唱到《惜緣》和《記親恩》時，熒幕播出舊照，她感觸道：「不論朋友親人，有今生未必有來世。」全場觀眾亮起手機燈，化為一片燈海，德蘭忍不住落淚。最後一首歌《網中人》前，她特別感謝丈夫楊偉誠。今年是二人結婚38周年，丈夫上台獻花，她感謝對方鼓勵她享受舞台。
Encore環節，身穿白色長衫的劉德華突然登場，與德蘭合唱《情義倆心堅》，配合熒幕《神鵰俠侶》片段，回憶滿滿。華仔讚嘆：「你好勁呀！」德蘭坦言怕「食檸檬」，由監製出面邀約，想不到華仔一口答應。華仔說：「我點可以唔嚟？我第一首歌《神鵰大俠》就係同德蘭一齊，先有機會出唱片。」他即席清唱，又笑問觀眾：「我演唱會你哋嚟唔嚟睇？」最後送上一曲《掌聲響起》，向所有藝人致敬。
德蘭剖白心聲，坦言最初擔心門票銷量，幸而開賣不久即售罄。雖不捨，但相信天下無不散之筵席。最後她獻唱《相識也是緣份》，全場大合唱，為演唱會畫上完美句號。
（點新聞特約記者陳惠芳報道）
收藏
取消收藏
分享
