【點新聞報道】下個月21日就是父親節啦！近日連鎖餅店美心推出今年兩款父親節創意造型蛋糕。有網民指在門市看到該系列的蛋糕，驚呼似「祭品」，蛋糕造型引發網上熱議。
該網民在社交平台分享蛋糕相片，並配文：「豆腐火腩飯蛋糕好似上香做忌咁，好地獄」。從上傳相片中可見，這兩款蛋糕分別為「豆腐火腩飯蛋糕」和「出前一丁餐蛋麵蛋糕」，蛋糕均以裝在碗裏的造型呈現。其中「出前一丁餐蛋麵蛋糕」直接採用了經典的紅色出前一丁外包裝設計，頂部用奶油擠出密密麻麻的「公仔麵條」，並鋪上兩隻荷包蛋和一片厚切午餐肉造型的甜點；而「豆腐火腩飯蛋糕」則在表面鋪滿了模擬米飯的脆米，上方堆疊着像真度極高的「火腩肉塊」、「豆腐」及綠色蔬菜作為點綴。
帖文引發熱烈討論，網民意見兩極。部分網民認為蛋糕賣相不好，「好似祭品」、「真係唔知邊個approved」、「係咪同紙紮舖搞cross over」、「好核突，買唔落」。
不過，亦有大批網民力撐產品非常有新意，「又幾有創意喎，多個選擇啫。香港人真係厭尖聲悶，永遠只有彈，唔會讚」、「算係整得幾靚」、「其實好有創意」、「好有創意喎，邊度似啊？幾有諗頭呀，欣賞下得唔得，成日食嚟食去都係嗰啲懶靚嘅蛋糕，呢啲男人鍾意喎」。甚至有網民表示「好特別，想試晒兩款」、「坊間都好多呢啲造型蛋糕，以呢個價錢算係好抵」、「有冇沙嗲牛肉麵？我老公鍾意食呢個」。
收藏
取消收藏
分享
