【點新聞報道】隨着愈來愈多移民英國港人接近申請英國永久居民門檻，盛傳不少移英港人正密謀回流香港。有移英港男發文指等永居到手後，便回流做回老本行，但就擔心樓價貴負擔不起。
該名移英港男在fb專頁「英國香港人工作支援群組」發文，求教網民回流點部署，「永居快到諗住回港老本行，今日打比AA點知香港D樓買又貴租又貴點搞？」不少網民支持樓主回流決定，「一拎到ILR就即時返香港，一鎊都唔好俾多英國政府賺」、「其實真係好多移英都是想搭順風車，同上一代移民一樣，一成功就即係返港搵錢」、「其實你過嚟嗰陣如果賣咗樓，而家番去買番一樣嘅樓都係大贏家」。
有網民認為，樓價是貴還是平？因人而異，「你嚟之前點搞返去咪點搞囉…如果你賣樓過嚟，返去買返都仲平過你之前賣，如果你本來係租樓…咁你不嬲都冇㗎啦」、「五年香港啲樓跌幾成都買唔起的話，你有冇走到其實都係買唔起」、「覺得貴唔係個market問題，係你嘅問題，窮人去到邊窮人。」
另有網民提醒樓主若離開英國超過兩年，永居身份將會自動失效，「只有永居狀態，離境超過兩年會被取消資格」、「永居錢都摼番啦。ILR 2年不番英國都會無，申請嚟托咩」。
收藏
取消收藏
分享
