【點新聞報道】洪卓立（Ken）跟許靖韻（Angela）將於6月12日的「洪卓立『探索者』巡迴音樂會廣州站」及6月13日「許靖韻『Glowing』巡迴音樂會廣州站」接連開show，日前二人孖住師妹戰金意，於廣州為音樂會宣傳，舉行粉絲見面會。Ken及Angela早前更專程去到全棟大廈的外牆廣告下打卡，氣勢十足。粉絲見面會當日，現場逼到水泄不通，上下兩層企滿人，氣氛熱鬧。
在粉絲提問環節中，有fans直問Ken何時推出新歌，Ken開心透露，「5月28日推出新歌《一次一次提自己》，今次曲風係我比較少嘗試嘅類型，好期待現場唱俾大家聽。」Ken事後透露新歌將會於下月舉行的音樂會上首唱。
至於Angela，fans就為她特別做了一條「宣傳肩帶」，上面印了「613廣州演唱會見」及Angela的樣。Angela拿着條肩帶忍不住笑問：「我係咪要好似港姐咁繞場一圈？」現場樂隊即刻醒目地奏起香港小姐的音樂，全場爆笑。隨後Angela帶上肩帶，一邊唱歌一邊行落台，猶如港姐般繞場一周，期間更與fans握手，氣氛立即升溫。活動結束後，Ken跟Angela冇即時走人，特登留下來與後援會合照，十分識做。
（本文為作者觀點，不代表本媒體立場）
收藏
取消收藏
分享
