【點新聞報道】移英港人黃圈上演狗咬狗骨鬧劇！有移英港人在社交平台轉發黃店「同行搬屋」公審前男員工的老婆的帖文，指對方恩將仇報，在通訊軟件WhatsApp群組唱衰公司喎。樓主看後不禁慨嘆「移英konger十個有九個都係麻L煩，遠離konger，真理！」
該名移英港人在社交平台threads轉文黃店「同行搬屋」公審前男員工的老婆的帖文，話自己曾出資讓一名男員工考鏟車牌，不過男員工唔生性，經常亂講嘢得罪客人又和同事打交，更亂搞三角關係，公開稱喺香港有女朋友。老闆聲稱曾苦口婆心勸阻，又為他們夫婦家庭輔導。結果卻換來員工的老婆恩將仇報，在一個WhatsApp群組，唱衰其公司和屋企人。
該黃店帖文內容：「我都話伯明翰好細㗎啦。你老公入嚟做個鏟車牌我俾錢佢考，一蚊都無收返你，你老公喺度做嘢，喺客面前亂咁講嘢，全公司同事唔鍾意你，公司開會俾多次機會你，到公司周年食飯，你老公俾同事打，我撳住郁手個同事，我救咗你老公。仲有你充分表現咗恩將仇報，你同你老公鬧交，你一個女人俾佢趕咗出街，係我捉住你兩公婆上我屋企同你哋兩個慢慢傾。你老公喺架車同啲同事講自己另外條女啲嘢，我仲苦口婆心同你老公講叫佢唔好玩咁多好好地照顧個屋企。你老公一入職，你哋屋企隻狗要搞過嚟英國，唔夠錢，佢問我借我第一時間都借俾佢，仲有你老公人工 £3000/月，公司供足要供嘅嘢，貼士自己袋，額外要搬樓梯，有傢俬要裝拆，全部有錢分，會唔會係佢唔拎返屋企？你唔知呀？你話佢收得夜，你唔問吓佢早收工晏晝兩點仲坐喺架車度唔返屋企喺度同香港條女傾偈？做人唔好咁Ｘ樣啦……..我大大個人喺到，有咩入嚟講，唔好Ｘ喺後面講d唔係事實嘅嘢」。
該黃店亦在留言回覆網民時，表示該男員工已炒咗半年，又指已作出反擊「我頭先已經喺佢出聲個WhatsApp群組度，send晒去以前叫我幫佢，佢老公點樣對佢，所有所有嘅對話去嗰個群組度，認真……..有眼睇都知發生咩事」。
不少網民剝花生，直指「呢邊d人係咪好中意偷食，已經唔係第一單」、「喺英國真係好多恩將仇報同過橋抽板嘅pk」、「太多人恩將仇報了」、「大膽句，在英九成半嘅華人都係咁忍樣。就算而家唔係以前唔係，只要放長Ｄ時間、同錢銀有瓜葛、出面搞女人勾男人，佢地就會現形」、「直接開名tag佢入嚟講清楚啦，如果女事主夠膽」、「港人聚居地真係成日百花齊放」「唔好再諗埋啲乜嘢香港人幫香港人」、「港人聚居地真係成日百花齊放」。
收藏
取消收藏
分享
