【點新聞報道】一個國家的興衰，往往有跡可尋。有港男發文直指，現時英國成個社會割裂得好恐怖，最難頂的是治安同種族問題，話即使在英國有大屋，但死都唔會過去，「治安差到咁，間屋幾大都冇用」。
對於不少移英港人指「有屋就贏咗一半」的說法，該名港男不屑一顧，在社交平台threads發文表示，「我屋企喺英國真係有一層樓，但死都唔會過去，唔使講咩當去vacation（度假），睇完依家那邊個大趨勢，真的送比我都唔想去住」。
樓主指英國社會分裂、治安差，移英港人提心吊膽，「最頂唔順實係治安同種族問題，依家英國成個社會割裂得好恐怖，一邊係大量移民湧入另一邊就本土極右崛起，日日喺街度一係就radical（激進的）宗教遊行，一係就打砸搶。香港人過去根本就係silent bystanders（沉默的旁觀者），左翼覺得你有錢，右翼一望見你張東亞面孔，就當你係非我族類，連出條街都要擔驚受怕。」樓主直言：「治安差到咁，間屋幾大都冇用」。
事實是英國國力日益衰落，樓主力數政府管理不善，整個國家的配套正慢性崩潰，「成日聽人講邊個城市又Section 114 Council（第114條通知）破產，唯一識做嘅就係狂加 Council Tax，最搞笑係交多咗稅換返嚟嘅服務斬得就斬，條街啲 Pothole（坑洞）冇人整，街燈深夜直頭熄埋，NHS睇症用生命去排隊，由基建到公共服務都停咗喺上世紀咁，死氣沉沉。」
樓主表明不會為層樓將自己綁死在英國，寧願留在香港追夢，「層樓放租算，喺呢個全球右轉，陣營對抗嘅時代，留喺香港仲可以追夢，好過夾夾硬硬將自己後半生，綁死喺一艘自己完全唔鍾意嘅船度」。
帖文旋即引起熱議，有不少新BNOers留言挑機，樓主一一強力反擊，「你哋嚟咗有幾耐呀？ 你哋見證過咩轉變呀？大佬呀，我初初去英國嘅時候，英鎊仲係對緊14蚊港紙，你junior同個senior講年資？」樓主諷刺道：「最搞笑嘅係，笑留港人係奴隸，但自己住咗英國，就完全唔比人批評英國半句。」
對於有人質疑留港追夢，樓主回應指「第一我喺香港人工都算高，英國確實冇呢啲工offer到我。我唔係單一例子，身邊喺英國大嘅朋友，都非常唔容易搵白領工，我old pal（老朋友）喺Imperial（倫敦帝國學院）畢業，Stay咗一兩年Ldn搵工食白果，但佢返香港BlackRock即刻請咗佢」。
收藏
取消收藏
分享
