【點新聞報道】邵氏兄弟與優酷聯合製作的劇集《執法者們》再創佳績，於「2026紐約電視電影節」中勇奪「串流犯罪劇集組別優異獎」。該劇去年在內地首播即突破4億播放量，其後於無綫播出更以最高收視23.3點（約150萬觀眾）成為年度兩線劇集收視冠軍，如今再獲國際獎項肯定，可謂實至名歸。
作為男主角的黃宗澤（Bosco），今年攞獎運勢強勁，從年初榮膺雙料視帝後獎項不斷。他得知劇集揚威海外，感到特別開心：「始終呢套劇拍得好辛苦，大量打戲，又要遠赴鑽油台拍外景。攞到獎唔止我開心，我都戥攝影師、導演同所有工作人員開心，因為大家都搏晒命去拍。依家有咁好成績，上年收視好，而家又攞到獎，真係乜都抵返晒。」
不過，頻頻獲獎也讓Bosco感到壓力：「哎呀！真係好大壓力，之後都唔知攞唔攞到獎添……哈哈，講笑啫。梗係希望拍多啲更好嘅作品，畀更多娛樂觀眾，攞更加多獎就更加好啦！」他更透露對港劇有情意結：「我喺香港長大，拍港劇最開心，因為係港劇養大我。如果可以同內地劇集或電影更多合作就更好，想學多啲唔同地方嘅拍攝方法。」
劇中女主角蔡潔對於得獎興奮表示：「好榮幸，好興奮！呢份係屬於成個團隊嘅榮耀。自《執法者們》播出以來，好多觀眾喜愛『何天茹』同『周俊傑』呢段『波菜CP』感情，令佢哋嘅故事更加圓滿，期待日後繼續做好作品送畀觀眾。」而陳瀅亦為台前幕後的辛苦付出終獲回報感到十分欣慰。
（點新聞特約記者陳惠芳報道）
收藏
取消收藏
分享
