【點新聞報道】日前有港女在社交平台發文，稱男朋友家中窗戶的玻璃無故被射穿，床上面更留有BB彈。事主向大廈保安查詢後，發現樓下幾個單位亦有遇到同樣情況。目前事主男朋友的家人已報警備案。
該名港女在threads發文發相，指其男友家中窗戶玻璃竟被射穿，「男朋友朗屏邨屋企窗口無啦啦俾人射穿咗玻璃，床上面仲有BB彈」，港女驚呼「有冇咁癲？」。目前樓主男朋友的家人已報警備案，樓主續指「問咗保安原來樓下幾個單位都係咁…」。從事主上傳的相片可見，一處玻璃窗上有一個疑因被某些物體擊穿而造成的小孔，孔洞周圍亦出現了嚴重的放射狀裂紋。
帖文隨即引來網上熱烈討論。不少網民對事件感到震驚，直呼「嘩！都幾恐怖」，更形容行為等同「謀殺」或「意圖謀殺」，並紛紛支持樓主報警。
有網民分析指，「咁遠距離仲要打得穿玻璃一定過2.2焦，可以報警㗎啦」、「一定過2.2焦耳，幾個窗都爆，多啲換玻璃生意」、「打得穿玻璃一定改X咗槍加用鋼珠，co2出，報定警都啱，呢d先係私藏軍火」、「幾個單位都係咁，即係故意㗎啦」、「我係一個會玩氣槍，打wargame嘅人，可以話俾你聽2焦都打唔穿玻璃窗，同埋一定唔係BB彈，要做到呢個效果，一定係金屬彈先得，同埋條XX支槍一定過法例焦耳數好多倍」。
亦有網民表示有同樣的經歷，坦言「癡線，我屋企2年前都有試過俾人射，exactly係呢種，我哋搵咗差佬備案，不過都冇用，我係喺屯門」、「住村屋，2個月前中彈」、「我都試過直接俾打爆埋兩次」。
（本文為作者觀點，不代表本媒體立場）
收藏
取消收藏
分享
