【點新聞報道】黃宗澤（Bosco）近日率領同屬邵氏旗下的陳瀅、吳業坤（坤哥）及胡鴻鈞（Hubert），遠赴泰國芭堤雅出席大型粉絲見面活動。眾人難得寓工作於娛樂，趁機享受當地火辣陽光與暢泳樂趣。適逢5月20日「520」情人節，陳瀅更主動邀請Bosco一起做出心心手勢，向粉絲送上甜蜜祝福。
活動當日全場爆滿，吸引超過3000名當地粉絲到場，場面熱鬧。Bosco一出場即掀起高潮，他大方分享「凍齡男神」的保養秘訣，直言健康、自律及保持良好心態最為重要，亦強調外在狀態需要透過科學方法持續管理，笑言「男神」絕不易做。
陳瀅、坤哥與Hubert則擔任表演嘉賓。陳瀅繼上月與蔡潔合作開騷後，今次再度上台獻唱，明顯更有自信。她身穿背心短裙，完美展現體態，獨唱張敬軒的《斷點》後，再與坤哥及Hubert合唱《友共情》，贏得全場掌聲與歡呼。
Bosco坦言此行猶如度假般寫意：「嚟到芭堤雅，寓工作於娛樂，梗係順便游下水、曬埋太陽。520對我哋嚟講冇咩特別感受，日日有工開就最好，人人有工開，520有工開，521又有工開，最緊要係620（邵氏高層樂易玲）畀到工我哋開！之後會繼續飛去第二度工作，有工開就開心，今次仲有得旅行游水陽光海灘，就更加開心！」
陳瀅亦大讚旅程愉快：「520當日可以同三位型男一齊工作兼娛樂，繼上個月開騷後又可以再唱歌表演。娛樂方面，仲抽到時間享受泰國美食、文化同好天氣，呢幾日真係好開心！」
坤哥特意提前一日到泰國，先往曼谷拜神還願，再到芭堤雅。他每日都去游水，曬黑了不少，更笑言：「好耐冇嚟泰國，上次已經係疫情前。今次工作之餘又有娛樂，觀眾好熱情，希望公司多啲安排呢類工作。520冇送花畀老婆，返香港會補祝。」
（點新聞特約記者陳惠芳報道）
收藏
取消收藏
分享
