【點新聞報道】ERROR成員郭嘉駿（193）年初疑失言遭公司MakerVille「雪藏」，四個月後獲「解凍」復出，他先於尖沙咀商場的巨型玻璃箱內，展開74小時「公開生活」，原來也是為個人單曲《呆等》宣傳，今日（20日）他正式出關，大批粉絲撐場。
現場首播新歌MV，193已感動得眼紅紅，但當他步出玻璃箱時，身上印有公司Logo的貼紙甩掉，他又從袋裏拿出一大張公司Logo貼紙。當193見到司儀，便回憶當年一同拍攝《花姐ERROR遊》辛酸史，又一時感觸熱淚盈眶。他自言今次有份策劃MV，但導演臨場加插他寫信給粉絲一段戲，又忍不住即場爆喊，導演讓他自由發揮沒Cut機。
193直言見到現場粉絲很感動，而拍攝MV過程更令他崩潰流淚，自己是很容易觸動淚腺，今日見到司儀又回憶很多。今日獲正式「解凍」，193表示曾有想過自己是否不會再見到粉絲，當今日又回到熟悉的畫面，也曾擔心過會有陌生感覺。經過4個月的「休息」，他很感謝同事和幫過他的人，他自認是懶人又收埋自己，不想擴闊社交圈子不願而不會回覆粉絲，今次得到很多人的關心，也有派心畀like講多謝。
見他今日手震震，因重新出關所以好緊張？193說：「係呀！今日有啲緊張，喺休息期間，我去旅行都搵冇咩人嘅地方，好低調，出街買嘢都係點對點，唔喺大眾嘅視線裏面。」被「休息」期間有否情緒問題？193直言：「我情緒一向有問題，網民話我EQ低，我唔介意承認，但相對就IQ高，測過我係ERROR入面最高IQ，好耐之前我曾經睇過醫生，慢慢自己都解決咗，算係半個心理學家，知道要自愈修復。」193坦言以前自己從不會主動罵人，被罵則會反擊，到他看過一本書之後，明白了是改變不到別人去罵自己，倒不如改變自己想法。
對於外傳他因失言得罪高層被放入「雪櫃」，193自嘲：「我以後做個謙虛藝人，係網民所講嘅『偽人』，我一向都係『偽人』，曾經做咩被人話假，就算今次嘅行為藝術，本身我個人真亦要修飾。」問他是否經一事、長一智？193笑言這幾年是經十事、長十智，以前太忙沒反思機會，今次「休假」便有時間可以放空反思。對於網民指他今日「復出」，原來是為推出新歌搞場大龍鳳，193表示出歌當然要宣傳，自己也不想欺騙大家的信任，這幾天他自困玻璃箱，粉絲黃雨也在等他，但也引起罵他的人去討論，他明白完美的人一樣會被「抽秤」，所以他會將網上鬧他的人當作為他宣傳，令全香港人都留意到他出歌。
復出後未來有何動向？193透露推出新歌後，還有廣告及綜藝節目，並重回節目《晚吹》拍攝。提到由他親解被「雪藏」因由，193說：「我成日同網民對罵，網民話我係『擦鞋仔』，我就係唔係『擦鞋仔』，係我衰咗，竟然有邊個打工仔會鬧公司，同公司投訴，仲要向外投訴，呢個係好大問題，我係老闆都唔止雪啦，一嘢趕走佢啦，所以覺得公司對我非常厚道，我咁快出返嚟，4個月咋喎！如果其他公司雪都唔係呢個程度。」
今次是要續約才復工？193表示尚未續約，會傾向「有你有我」，一定以MakerVille優先：「合作模式開心就會繼續做，公司唔開心都未必要你啦！」有傳他是跟經理人不和觸發被「雪藏」，193指現在工作上很和諧，也多了人手幫他，以前自己很執着要每件事都親力親為，不過越多人做事越好，自己感覺舒服得多。
（大公文匯全媒體記者阿祖報道）
收藏
取消收藏
分享
