【點新聞報道】據報《愛·回家之開心速遞》7月結局，由向來題材緊貼時事，轉變到近年天馬行空。在昨晚（19日）一集「來讓我守護你的不完美」，同樣大爆笑彈。
劇情講述送水輝(許家傑)擔任接龍旗下Burger Alone代言人，因而遭不安好心之人以昔日脹爆身形跳肚皮舞照片勒索，壓力爆煲的送水輝，遂狂食漢堡減壓致體重忽然狂飆；冇面見大小姐的送水輝借故避世，遭三太發現並策劃「重拾自信計劃」，戴上「大小姐面具」鞭策送水輝減肥；期間大小姐亦揭發老公慘墮「漢堡地獄」，並決心暗地守護老公。
送水輝脹爆Look喜感十足，許家傑受訪時說，原本用棉花塞入口扮肥，但林淑敏提議他改用冬甩：「因為就算吞咗落肚都唔驚。」又感激林淑敏與他一起研究肥胖人士肢體動作，大讚林淑敏好Sweet。許家傑續指拍攝場口難度在於邊食漢堡邊講對白之餘，同時要避免誤吞冬甩而不連戲；另因要戴假肚兼着「肌肉衫」扮肥，故拍攝外景時汗如雨下，但他認為只要觀眾睇得開心，再辛苦也值得。許家傑又讚劇組很貼心：「拍嗰日所有漢堡包都係即買，唔使擔心變壞食到肚痛。」
（點新聞特約記者陳惠芳報道）
收藏
取消收藏
分享
