【點新聞報道】高鐵是不少人北上首選！一名港男近日於深圳羅湖乘搭高鐵前往廣州，「車票¥209包一份午餐同小食」，大讚物有所值「仲嘆過坐飛機」。
該名網民在fb群組「深圳吃喝玩樂資訊關注組」發文憶述一趟豪華高鐵商務座旅程，「深圳羅湖上廣州豪一次坐高鐵商務座，車票¥209包一份午餐同小食，仲嘆過坐飛機香港上廣州」。他對車廂環境讚不絕口，「而家大陸高鐵商務座已經做到咁靚，張凳好似飛機長途商務位咁豪華。」
樓主又將此與香港出發的高鐵作對比，指「香港高鐵上廣州東要¥215仲要只係二等座」，認為若時間充裕，「寧願東鐵上羅湖轉車更高性價比」。
樓主大讚物有所值，「深圳羅湖直達廣州站65分鐘就到，雖然用高鐵車但行廣深鐵路全程最快 200km/h都無，但坐完覺得物有所值，下次往返廣州有得揀都想再坐」。他並提醒其他網民，一天只有數班是高鐵「智能復興號」，更只有中午和傍晚的車次才有盒飯派，其他同型號車只派小食。
帖文引起網民熱議，不少人都心郁郁想體驗一次高鐵商務座，「正~下次都試吓先」、「200蚊去體驗下都好」、「哇，好豪華，仲好過飛機商務同頭等位」、「小食係包晒影相枱面咁多？係就非常抵。高鐵叫個午餐都要五六十蚊，呢堆小食二三十蚊都唔得。」
不過，也有網民認為車程短，商務艙作用不大，「因為反正一個鐘頭，好似坐巴士一陣就到」、「坐得65分鐘都未享受夠就落車，就嘥咗」、「其實唔值得，二等座先70幾元80蚊，你200蚊差唔多貴成倍。坐一陣之嘛反正，三四十分鐘。」
收藏
取消收藏
分享
