【點新聞報道】面對逆境，不少移英港人嘅阿Q精神真係好值得大家「學習」。話說好多移英港人移民英國後都話融入最重要，然而融入唔到，就話融入唔係一定需要，變成孤獨精都叫好，聲稱「為融入而融入，好難會開心」，又話「移民路係自己揀嘅，開開心心又一日」喎。
有移英港男在社交平台threads發文，靈魂拷問：「移民係咪需要融入？ 乜嘢叫『融入』？係咪有好多locals 傾到計、去酒吧飲酒、會食fish and chips就代表『融入』？」
樓主指自己初到埗時，都曾努力融入當地生活，「我初初嚟英國嘅時候都好主動同locals 傾計」，然而時間久了，熱情不再，樓主已變成孤獨精「而家個人好摺，成日去gym、行公園、煮飯、做家務，加上一個禮拜四日WFH，真係一日都唔駛同人講嘢。」
不過，樓主強調自己開心就好，「移民唔容易，如果要逼自己做自己唔鍾意做嘅嘢，為融入而融入，好難會開心。」樓主有感精神健康比「融入」更重要，「移民路係自己揀嘅，開開心心又一日。」
有同路人留言表示認同，「講真冇打算融入，我自細香港大住咗幾十年先來嘅根本冇可能融入，既然係咁何必勉強，喺度搵到自己生活舒服嘅方式就得」、「我覺得融入嘅問題，喺英國嚟講特別複雜，倫敦本身就有太多外來人，過得開心就好」、「我以前好努力融入，但都唔成功，依家都係同返asian玩」。
收藏
取消收藏
分享
