【點新聞報道】所謂「物離鄉貴，人離鄉賤」，有移英港男在網上發文呻，以前在香港份工搵得多，現時在英國只靠兼職維生，慨嘆對未來感到「好迷茫，好無奈」。
不少港人去到英國只有從低做起，雖然話心態決定一切，但真係唔係每個人都可以囉。該名移英港男在fb專頁「英國香港人工作支援群組」發文話，「嚟咗五年，冇做過之前份工個level，淨係part time，諗起以前時光，感覺未來好迷茫，好無奈」。
有網民留言分享英國職場苦況，「在英國你有一份part time已經不錯，我做咗一份contract工大約一年跟着公司cut budget，就冇得做，2個月後經理揾我問我做唔做part time我初時諗咗幾日最後都confirm返工，做咗3個月，最近佢俾offer叫我轉長工，所以千祈唔好放棄，我哋唔係靠吹水，努力工作一定有回報的，今年英國經濟比較差，好多公司唔請人，有工作好過冇」。
不少網民建議樓主回流，指香港有更好發展，「一句講哂，過唔到自己個關，返香港冇壞。唔會比人笑，好過你日日係到怨，呢幾日當個體驗比自己就夠，睇開d，人生好短暫，唔好為咁小事唔開心！」、「最緊要開心，生活係自己嘅，唔好強迫自己，如果留喺度真係唔開心，回流吧，唔好搞到自己抑鬱」、「確實不是每個人都適合去一個新地方從頭開始的。要試過至清楚」、「你放唔低好難攪，一係就揾方法做返你本行，否則就及早回頭止蝕」。
收藏
取消收藏
分享
