【點新聞報道】不少港人移民英國後，才發現當地的交通系統與生活成本並非想像中那麼理想。有移英港女在社交平台大呻，每日上班通勤陷入「時間與金錢」的兩難局面，並求教網民規劃上班路線的建議。帖文掀起熱議，大批同路人現身說法揭英國上班通勤生活的辛酸。
該名移英港女在threads發文，好奇發問：「無聊想知道，移英嘅人，最長用幾多時間返工？用乜交通工具返工？想睇下我叫唔叫耐同貴？」。樓主透露現在自己陷入兩難局面，第一是「揸車45mins，但（停）車場8.5（鎊）和油錢10（鎊）」，第二是「搭trains1.5小時，12.8（鎊），又要行先到火車站」，她直呼「好糾結點返工好」。
帖文一出，隨即釣出一眾同路人圍爐取暖，紛紛分享通勤日常：「來回三個鐘」、「見過最癲每日來回2個鐘火車。我有同事係每日揸1小時10分鐘車單程返工都幾癲」、「揸車45分鐘返工，油錢60鎊一星期」、「淨tube40-45分鐘，行去個站要20分鐘，諗住買架單車踩去車站但又怕俾人偷車，帶埋返公司又冇位擺」、「上次落London，咁啱返工時間，我見我個city啲人着住西裝踩單車去火車站上火車，搭兩個鐘火車，去到London再踩單車返工，佩服」。
更有同路人透露其丈夫慘況，坦言「我先生曾經有一份工，單程全程開車行M路，返工單程都要2.5小時，試過坐火車返工係單程3.5小時。當初為咗有工返，有本地工作經驗，唔計咁多，返咗先算。」對此，樓主回應：「我都係咁諗，但真係好痛苦」。
不過，亦有網民對樓主的通勤開支表示質疑，嘲諷道：「你架法拉利嚟? 揸45分鐘要十鎊油錢?」
收藏
取消收藏
分享
