【點新聞報道】近日有食客遇上一離譜事件，指在一間酒樓點了一道招牌粵菜「香芒汁大蝦球」，但原本的「鍋巴底」竟變成「旺旺雪餅」，而店家並未提前告知，帖文引發熱議。
該名食客於社交平台上傳相片，並配文：「Am I a joke to you?點解會係旺旺雪餅？？？」從上傳相片可見，酒店菜單上的「芒汁大蝦球」原是以金黃鍋巴墊底，鍋巴上是裹滿醬汁的蝦球，但送上桌的實物，「鍋巴底」卻變成了「旺旺雪餅」。
食客透露原本還想加餸，好在獲善心阿姐提點，「本身想叫埋呢個美果海中寶，但係阿姐善心提醒，呢個冇珊瑚蚌㗎，之前有人叫完話同張圖唔同」 樓主當堂打個突，「我？？？但係佢冇提我冇鍋巴，佢當鍋巴係咩」。
帖文掀起網上熱議，許多網民幽默調侃：「旺旺雪餅都唔知自己可以有咁嘅用途」、「Fusion嘢嚟，佢唔俾好過啦，反正個名得蝦球」、「好fun wor（喎），用米通好似會好啲」、「今日鍋巴係咪放假？」、「最低起碼都整塊炸蝦片」、「笑死，別有一番風味」、「有創意，我鍾意」、「臨時替上，haha」。
不少網民表示曾有類似經歷，並曬出奇特搭配的餐食相片，例如金蠔配旺旺仙貝、白切雞配旺旺小饅頭，以及乳豬配旺旺雪餅，甚至有網民笑言「倫敦Rosewood下午茶（都）係用旺旺仙貝，右下三文魚下面就係，心諗鬼佬都識呢啲」。
收藏
取消收藏
分享
