【點新聞報道】上月憑舞台劇《我推的男子》首度入圍「第34屆香港舞台劇獎」「最佳男主角（喜劇/鬧劇）」後，MIRROR隊長楊樂文（Lokman）今日（12日）表示，他憑《存酒人》中「阿當」一角，成功入圍「2026全球OTT大獎」（2026 Global OTT Awards）「最佳男配角獎」。
對於能夠在國際性大型頒獎禮上獲得提名，Lokman興奮說：「可以喺一個咁大型、咁有指標性、咁國際化嘅舞台上面有呢個提名，我係好開心嘅，真係好開心嘅！係一個肯定，係一個『我得咗』嘅感覺——『爸爸媽媽，我得咗啦！』嗰種感覺。雖然只係提名啦，但係已經有呢個份量！」
Lokman並感謝《存酒人》團隊，他說：「多謝團隊努力建構咗阿當呢個角色，呢套劇我真係拍得好開心，亦都喺裏面得到好多感受。同時間，見到呢個角色可以帶我去到咁遠。」被問到會否親身出席在釜山舉行的頒獎禮，Lokman表示正努力和公司爭取中，他期待可以到當地感受頒獎禮氣氛。
接連獲得舞台劇男主角及OTT國際獎項提名，Lokman直言：「最近有咁好嘅成績，舞台劇又有提名，今次呢個角色又去到國際提名，係好好嘅一個里程碑，都係我自己嘅自信心加強系列。即係喺迷惘嘅時候，得到讚美、肯定呢啲說話，係非常之好強嘅強心針、定心丸。」
Lokman亦預告會再出Solo：「繼續有好多唔同嘅人幫助我，所以係真係好開心嘅……我係會出Solo㗎，哈哈，大家期待吓啦。多謝大家。」
（點新聞特約記者陳惠芳報道）
收藏
取消收藏
分享
