【點新聞報道】英國地方選舉揭盅，極右翼改革黨勢力明顯擴大，有移英港人即刻騰晒雞，擔心會被加劇歧視，甚至一腳踢走。
改革黨近年憑藉移民等議題的強硬主張迅速崛起，提出取消永久居留制度（ILR），取而代之的是可續約的5年工作簽證，但收入要求的門檻很高，此舉引起一班BNOer的關注。
一名已在英國居住六年的移英港人，日前在社交平台threads發文指，改革黨一定對港人冇好處，擔心之後生活會更加困難，「reform得勢只會令歧視問題越嚟越嚴重，當中一定包括對亞洲面孔嘅歧視。相信住落一段時間嘅人都知道，呢班人係唔會理你係香港人定中國人定印度人定黑人，總之你唔係白色皮膚佢哋就想踢你走。」
雖然改革黨黨魁法拉奇（Nigel Farage）曾表示取消 ILR 不會影響香港人。不過，樓主覺得信唔過，「千萬唔可以相信Nigel Farage話會豁免BNO港人，從brexit事件反口已經知道呢個人完全唔可信。」
樓主斷言只要改革黨一得勢，歧視事件定會大增，「就算最後港人真係可以豁免，日常歧視嘅事件一定會越嚟越多，包括職場、日常生活被言語或肢體攻擊嘅機會一定會大增。其實而家英國係有一大部份都係十分之r/acist，只係而家風向未夠，佢哋都係收收埋埋唔敢做嘢。」
收藏
取消收藏
分享
