【點新聞報道】藝人周殷廷（YT）近日為「中銀香港理財TrendyToo」拍攝全新廣告，並以「理財師兄」形象登場。YT當日身穿簡約西裝，擺出多個型格動作，展現成熟穩重一面。
YT透露，自己一直有留意理財資訊，更堅持親自管理資產。他解釋：「我覺得理財呢樣嘢要自己去學習，無論點都冇得賴，呢啲應該要有嘅知識嚟嘅。唔係畀咗人（管理）就算啦，我覺得唔應該咁。理財係要可以好安安穩過完呢一生，然後唔會冇錢。唔好話賺大錢，就算你正常打份工，到年紀大啲都安穩無憂，呢個係好緊要嘅步驟。唔諗太多，平平安安已經好好。」
此外，YT將於8月在紅館舉行個人演唱會。宣傳海報上他更展示一身肌肉，大騷男人味。他表示：「其實我唔係話今次演唱會特別操fit，平時一日都係食一餐飯，所以習慣咗保持身形。」他又賣關子稱今次紅館騷有許多構思，希望留驚喜給樂迷。
（點新聞特約記者陳惠芳報道）
收藏
取消收藏
分享
