【點新聞報道】在公共場所食榴槤，確實會對他人造成嚴重滋擾！有網民在網上發文大呻在戲院睇戲時遇到一對男女遲入場之餘，坐低後竟拿出榴槤享用，還要戙高腳無着鞋，令整個戲院都成陣味。不少網民都批評「無品」、「咁Ｌ癲？」，另有批評樓主應即時通知職員。
「睇戲最乞人憎係乜？傾計？食爆谷食到習習聲？情侶攬頭攬頸？打車輪？非也…！」該網民在社交平台threads發文憶述在戲院的不快經歷，「呢個四眼哥哥同佢個女伴，一開場已遲入場，一入嚟坐低，竟然攞榴槤出嚟食！！！成陣味傳遍整個戲院」。樓主直指四眼男有備而來，「佢仲有備而嚟，戴曬手套喺度食！仲要棟（戙）起隻腳無着鞋！！」
從相片可見，四眼男邊享用榴槤，邊欣賞電影，最後手持疑裝有榴槤核的膠袋離開。樓主更留言區補充指，「坐後面果個超無奈，但大家都想睇場戲」。
不少網民都狠批該男子「無品」、「咁Ｌ癲？」、「食榴槤咁Ｘ黐」、「榴槤？超出我想像」、「唔食嘅人真係頂唔順㗎！呢啲人好X自私」。
另有不少網民批評樓主應即時通知職員，「完全唔會同情你，亦譴責你無即場同職員講。此乃係姑息養奸、放虎為患」、「結果冇人同職員講，只係放上網 」、「全院嘅人都有份造成嘅，膽小怕事咪養出呢種人，下次又再挑戰食乳鴿。如果第一下即刻就去搵職員，來回最多咪30秒」、「結果冇人同職員講 只係放上網 」、「點解唔同職員講？放上網有乜意義？一般戲大約兩個鐘，點頂？」。
收藏
取消收藏
分享
