【點新聞報道】不少移英港人當初口口聲聲話有手有腳走咗再算，結果落得一事無成，兩頭唔到岸咁半天吊。有移英港人撈唔掂，打算做伸手黨，但就諗緊攞屋企定攞綜援喎，帖文惹來不少同路人反感。
有移英港人在fb專頁「英國香港人工作支援群組」發文求教網民，話「如果一個身體健康的中年人唔夠錢生活，佢有兩個選擇：1. 問屋企攞 2. 申請universal credit （英國綜援）。大家覺得邊樣比較沒出息？」但樓主又喺hashtag戴返頭盔話自己非當事人，指「朋友問我」。
結果惹來大批網民留言嘲諷，「點解有手有腳都唔去返工？你的朋友就是你」、「明明係自身經歷，但係話幫朋友問……這樣比較無出息」、「零元購啦！可以解決晒所有問題」、「搵人包養」、「比較出息係自己工作，自力更新，自食其果～假如你「朋友」唔願意工作，旨意別人供給，可以考慮去法國，然後坐艇仔過嚟～～」、「問得你，個朋友無得救了」。
收藏
取消收藏
分享
