【點新聞報道】近日網上流傳一則涉移英港人社區的桃色糾紛。有移英港人家庭在社交平台爆料指，同社區一名已婚的年輕男補習老師幫15歲女生補習期間，建立曖昧關係，最終被女方家長發現，男老師事業盡毀、婚姻破裂，帖文掀起熱議。
該名移英港人於Fb發文，無奈發問：「XX，搵補習係咪真係搵返女仔好啲？」。緊接着樓主透露，涉事男老師畢業於牛津、外型不俗，平時幫人補習，在家長群中頗受歡迎，「個男嘅係牛津畢業，樣都唔差，平時幫人補習，喺啲家長群都幾受歡迎」。然而，涉事男老師卻在為一名未成年女生補習期間，兩人關係逐漸變質，「點知佢接咗另一個家庭嘅補習（15歲女仔），俾個女仔嘅父母發現兩個人啲對話由功課變到傾心事，之後就越嚟越唔對路，係對父母見到個女仔成日對住電話，情緒怪怪地，後尾check到whatsapp先爆出嚟」。
樓主續指，受事件影響「而家個男嘅補習基本上做唔落去，（同）個老婆應該準備分開（未confirm，佢哋好似先結咗婚1年）」，並且目前「兩個家庭已經反晒臉，出入見到都黑晒臉，唔知會唔會有一方搬走」。
帖文掀起熱烈討論，不少網民紛紛留言表示：「搵個女仔補習輪到你老公」、「依家男女關係太冇道德可言！搵男搵女都可以出事！」、「以為搵翻（返）同性好着數？呢度係男女不分」、「晒氣，男同女都係一樣，睇人嘅啫」、「攞嚟講，要發生感情！乜嘢性別咩年紀都得，主要睇吓小朋友屋企嘅家教」、「zoom啦，呢個年代仲上咩門」、「如果係15歲女，面對面我一定會搵女老師先，即使男老師冇咁嘅意向，15歲情竇初開亦好易，諗錯隔離，都係想補個習啫，麻煩嘢可免則免」。
亦有同路人透露類似事情在英國頻發，表示「尤其係香港過來嗰D體育老師，好多都變態攪（搞）靚妹」、「warrington都有個男幫人補習，補到上埋床俾女學生媽咪撞破咗」。
另有網民則好奇發問，「香港都有補習，又唔見有呢啲，係得英國有，真係奇怪」，有同路人分析指：「英國悶吖嘛，同種族又少，圈子細」。
收藏
取消收藏
分享
