【點新聞報道】大圍街坊注意！有「大聖爺」出沒。有網民在社交平台發文表示，在寓所的窗外發現一隻體型健壯的野生猴子，牠正捉緊窗戶的欄柵，猶如隔着窗打招呼，場面十分有趣。一眾街坊看到後，均千叮萬囑樓主切勿餵食，否則後患無窮。
一名居於顯徑邨某座8樓的居民，在fb群組「顯徑連隆」發文表示，「各位顯徑街坊，記得關好門窗，今日大聖爺大駕光臨小弟屋企，俾佢嚇咗嚇，最後佢爬水管安全落返去地下。」圖片所見，該猴子體型健壯，對着鏡頭眼仔碌碌，樓主表示一度擔心猴子入屋，「（窗框）太寬，其實入到嚟，我要加網」、「無打算傷害佢，只是怕佢入屋」、「我多謝佢高抬貴手無入屋就真」。好在猴子「參觀」完畢，便自行離開，樓主亦「我好冷靜咁，目送佢離開」。
帖文引起一眾街坊熱議，「幾可愛，又幾可憐...又幾有人性feel...」、「謝謝你無傷害佢」、「佢個樣，似搵你一齊去取西經」、「佢咁好身材，如果入屋就大件事！ 謝謝你放生佢！」、「人類令動物無處容身，大家和平共存才是正道。」
不少網民叮囑樓主不要餵食，「千萬唔好餵，佢認得你單位，就日日上來找吃」、「不干預，不傷害，不餵食，俾返野生動物順應自然，天生天養，就係最好嘅做法」、「真係唔好用食物引起，免後患，版主小心為妙」、「千祈唔好餵嘢食，等陣帶哂全家仔女阿爺阿婆過嚟」、「唔好餵啊，理佢引埋一大堆黎唔止你煩，隔籬鄰舍多得你唔少。」
收藏
取消收藏
分享
