【點新聞報道】草蜢出道40周年於紅館舉行7場「GRASSHOPPER THREE IN LOVE草蜢演唱會2026」，昨晚（5月3日）圓滿成功，全場爆滿，三度encore反應熱烈。尾場壓軸表演嘉賓是郭富城，四子合唱《失戀》和《唱這歌》，齊做單腳抱腿招牌動作，還有城城自創最潮口號及動作「聽我講，一齊企硬撐草蜢」，觀眾起鬨掀高潮！
昨日「登六」壽星仔蘇志威，台上收蔡一智和蔡一傑紅包，並分別與壽星仔咀嘴。紅包內是一張「樂悠咭」，蘇志威說：「我覺得我攞呢張『樂悠咭』無愧，因為我也係香港仔，三個喺屋村打出嚟嘅香港三人組合，為香港音樂圈40年做咗好多嘢，我值得。」然後全場大合唱生日歌，蘇志威好感動，說：「好開心呢度有12000人同我擺60大壽，係個天俾我嘅恩賜！」昨晚尾場，更獲多位圈中人捧場。
演唱會encore環節，表演嘉賓城城與草蜢升上台，全場驚喜尖叫，他們跳唱《失戀》，默契十足。之後城城率領全場一齊講新口號和手勢，「聽我講，一齊企硬撐草蜢」，非常爆笑。他們相識超過40年，城城稱昨晚一早到場在後台準備，聽到台上每首歌都熟悉，都是金曲。他說：「好欣賞你哋，中段唱咗20幾分鐘快歌，我睇到草蜢嘅執着與堅持呢份信念，所以40年企喺舞台上有咁多Fans支持！」蘇志威對城城說：「其實你都keep得好fit，我哋希望50周年都可以請你嚟做嘉賓！」草蜢送城城水晶獎座，刻上「KING OF STAGE」，強調城城是他們心目中的舞台王者。
演唱會結束，觀眾反應熱烈大喊encore不散場，草蜢再度上台即興加唱《歲月燃燒》。他們離場後歌迷繼續喊encore，草蜢三度上台感謝歌迷支持，並宣布6月20日啟動世界巡唱新加坡站，到時繼續大唱大跳。演唱會接近12點結束。
之後草蜢於酒店餐廳舉行慶功宴，與台前幕後團隊開party，開香檳、拍大合照。蔡一智說：「觀眾反應好好，證明台前幕後好成功，希望有part2！」期間阿智向蘇志威和林珊珊介紹「樂悠咭」着數，好搞笑。阿智和傑仔左右吻賀，阿智笑說：「剛才台上錫咗佢一啖，我有少少後悔，因為佢個嘴好鹹！」之後蘇志威與太太劉小慧及兩個女兒Yumi和Ina台上擁抱和親吻，非常溫馨。
（點新聞特約記者陳惠芳報道）
收藏
取消收藏
分享
