【點新聞報道】近日有網民於社交平台發文分享乘搭巴士的有趣經歷，指見到巴士車廂內的動態巴士站顯示屏，顯示車長姓「列」，全句組合變成「列車長正為你服務」，帖文隨即引發網民熱烈討論。
巴士車廂内的動態巴士站顯示屏會顯示出車長名牌，包括姓氏及員工編號。有網民在社交平台threads上傳相片，調侃道：「巴士司機個姓幾特別」。從相片可見，巴士車廂內的顯示屏上竟顯示文字「列車長正為你服務（Bus Captain Lit is ser……）」。
帖文引發熱議，許多網民笑言「咁究竟佢係揸巴士定揸列車」、「姓列就唔算罕有，我起碼識兩個。係搭配埋『車長』特別d罷了」、「港鐵派來的間諜」、「死啦，我望咗三次都覺得冇咩問題，直到我見到係巴士」、「睇埋英文先知咩事」、「係坐一陣先睇得出原來佢係姓列」。
還有不少網民分享過往遇見的特別巴士司機姓氏，「好多年前我搭44，嗰（位）車長姓巴，都好特別」、「仲有呢位，姓單的『單車長』」、「見過人姓老」、「姓車叫車車長」、「以前巴士未有電子熒幕，車頭會有巴士司機證件。有位司機嗰名叫做『月球』」、「印車長，（喺）九巴31線見到」。
收藏
取消收藏
分享
