【點新聞報道】童年回憶返晒嚟！千禧年代前後曾風靡全港的經典玩具「爆旋陀螺」近期再度翻紅，只要經過公園等空曠地方，不難見到大人細路圍住陀螺盤比拼。正當這久違的熱血對決捲土重來之際，元朗同益街市一位「爆肌」豬肉檔主趁機推波助瀾，日前在社交平台寫下戰帖，邀請大家到其檔口切磋，勝出者可贏取豬骨或瘦肉作獎勵，吸引大批網友興奮留言。
近日元朗同益街市有年輕豬肉檔主在社交平台threads上載短片及相片，自稱「元朗區嘅豬肉陀螺戰士」，更公開向網友發出對戰邀請：「歡迎過嚟搵我對戰，贏咗我請你食少少豬骨or瘦肉」。短片可見擁有粗壯「麒麟臂」的樓主正手起刀落斬豬肉，相片則晒冷展示其18個爆旋陀螺和陀螺盤的超強裝備。
網民對引戰提議一致讚好，紛紛搞笑留言「師兄，贏咗可唔可以拎你1條柳梅」、「可唔可以切少少梅頭第一刀？」、「可唔可以用塊砧板做對戰場地？」、「之後會唔會有賣魚盛、波菜蓮參戰㗎，到時候街市變對戰戰場」。
樓主身形魁梧兼架生齊備亦成為討論焦點，「呢位Ching做唔到陀螺戰士就會去做健身教練」、「請問一下你練咗幾多年先有咁嘅成果？」、「我而家唯一擔心嘅係贏咗你，我行唔出呢個街市」、「切磋下無問題，但係你可唔可以袋返埋把刀先」。
另有網民無懼樓主氣燄留言挑機：「搵日帶埋架生同你隻抽，我贏，你擺低豬肉，你贏，我擺低卡包（卡牌）」獲樓主爽快回話：「來，要爆卡」。
收藏
取消收藏
分享
