【點新聞報道】所謂「多個香爐多隻鬼」！有移民英國的港人在網上大呻，在任職的工廠遭到同為港人欺壓，指對方目的是攀附外國人，話明白「大吃細係常態」，直指「強勢bnoer吃弱勢的」在香港人村人盡皆知。
該名移英港人在fb群組「英國香港人工作支援群組」發文，分享令他心淡的是部分移英港人圈子文化，指同為香港人的女同事，為與外國同事搞好關係，而作出欺壓行為，「我做過間廠，教嘢的女仔係香港人，佢對我講嘢粗聲粗口，命令我幫黑人同事執箱，而個黑同事企喺度唔駛做。其實大家明白，香港人鍾意攀附外國人，如果一間公司有幾個香港人，大家都想自己同外國同事的關係好啲，而外國同事都知我們的心理，容易離間到我哋。」
樓主感慨居英四年，在香港人村已看透世態炎涼，「我明白了大吃細係常態。白人吃有色人，有色人吃華人，外國華人吃大陸人和香港人，香港人吃大陸人。bnoers互吃符合呢個常態。強勢bnoer吃弱勢的。」
樓主認為團結不用強求，凡事靠自己，「既不用攀附外國人，也不用同香港人團結」，樓主但求做人處事謙虛有禮「做返make sense的事，語氣和態度國際化啲 (語氣柔啲、俾多啲禮貌）就夠了」。
帖文獲不少網民都認同，「香港人係食物鏈最低層」、「鬼打鬼打足N年，有共同利益果陣咪講團結」、「係人都欺善怕惡㗎啦。英白都係」。
收藏
取消收藏
分享
