【點新聞報道】加拿大生活成本高昂，有移民加拿大的港人在網上大呻手停就口停，指自己幾年來都是搵廿蚊一個鐘、無家底、無技能，除咗返工，放假都無閒錢玩，直指「打場波都貴過自己人工」。
該名移民加拿大的港人在社交平台threads發文，分享自己的極限生存生活，指無家底、無技能，搵廿蚊一個鐘只能勉強應付生活，所有退稅、搭車優惠、補貼都沾不上邊，放假更都無閒錢去玩，「見個個都會搵啲活動玩，而自己就除咗返工放假都拎唔到咩錢出嚟。食餐飯、參加活動好似打場波都貴過自己人工」，慨歎「只有不斷用時間換丁丁錢」。
樓主直言唔敢去玩，與同事無話題，對此感到自卑，「返工最興問how's your weekend what do u do after work，然後我就係極限基本生存嘢，然後大家就覺得你好悶，覺得你好唔掂」。
樓主渴望結識朋友，但無錢就什麼都不成，「大家一般普通既活動，對我黎講已經計一計條數」、「一直聽講唯獨是教會有免費活動玩，但覺得自己無辦法信宗教/ 日後奉獻，自己都有啲道德良心，唔想去黐飲黐食。ngo社區活動又限年齡/課金/身份。人生掙扎」、「除咗散步、搭車都要考慮下 」。
有同路人留言分享生活苦況，「我嚟到第一份工係15蚊，轉咗幾次工之後接近30蚊，但感覺實際落袋嘅錢都唔差好多，一出糧扣呢樣果樣扣一大截，所以次次加人工加一蚊兩蚊真係冇乜感覺，同香港嗰陣加一千差好遠，以前一千就一千，好好使，宜家加一蚊最後落袋多百零蚊，Ｘ佢老味兩公婆出街食兩次早餐就冇咗」、「you’re not alone bro,我都係，要打兩三份工，都好似倒水咁，要好好穩住，好多活動都唔駛錢focus，運動真係好好，又健康又好玩」。
收藏
取消收藏
分享
