【點新聞報道】移民確實令不少大好家庭破裂，皆因在陌生且充滿壓力的環境中，疑神疑鬼的負面情緒容易滋生，危及婚姻關係。近日有一名移民英國的人妻在網上發匿名帖文，大呻懷疑老公偷食，話有隔鄰的「太空人」家庭，一名獨自攜女移民的港媽，經常背地裏聯絡人妻老公幫手，令她不禁生疑「想問下咁樣嘅情況會唔會係我諗多咗?」。
該名移英人妻在fb專頁「英國香港人生活交流區」發匿名發文，深怕會被人認出。她表示居住的屋苑有來自香港的家庭，大家亦經常互相守望，「我一家3口嚟咗英國4年，住嘅屋苑仲有2家香港人， 大人同各自嘅小朋友都係年紀相若。有時會約埋一齊出去玩同食飯、相處融洽。」
人妻特別提到其中一個「太空人」家庭，爸爸留港搵錢，妻女先行赴英，「其中有一家係太空人家庭，老婆舊年暑假帶住個女嚟英國，老公喺香港，一年過嚟兩三次、唔鍾意英國，冇移民嘅打算。」
經常話女人的直覺很強，人妻感到女鄰居的態度轉變，「由上兩個月左右開始，我發現呢個女鄰居對我嘅態度開始好冷淡好奇怪，佢本身係好多嘢講，講嘢好大聲好hyper嗰種人，而家如果只係見到我嘅話會冇乜表情咁say hi，亦都唔係好望我，但如果係我同我老公同時出現，或者得我老公嘅話佢態度又好正常，同以前冇分別。」
人妻在老公的手機裏，見到兩人經常聯絡，「我老公wfh，呢個女鄰居係full time mum，通常架車或者屋企有咩事佢都會搵我老公幫手」、「呢個女鄰居成日搵佢，因為佢搵我哋屋企嘅話只會聯絡我老公，但係搵另一家嘅話係聯絡個媽媽。而我老公有即刻拎個whatsapp俾我睇，證明次次都係女鄰居主動搵佢，佢無主動搵過對方，通常都係對方搵佢幫手」。
人妻不禁對兩人關係起疑心，「想問下咁樣嘅情況會唔會係我諗多咗?」不少網民都認為有該港媽的舉動很可疑，「明係妒忌你啦。或者更年期囉」、「最毒婦人心，人之常情」、「其實你自己知，小心啲」、「你都係查清楚好d，最好錢銀自己管理，發生乜事都無咁傷。利申:過來人」有人則建議攤牌，「直接問老公，但要平心靜氣咁問，兩公婆之間應該要坦白，即使你有唔開心，亦唔需要隱瞞， 開心見誠!」、「小心啲，都同老公傾吓，防人之心不可無」。
另有女網民以「過來人」身分分享自身經歷，「女人直覺。5年前嚟咗冇耐，加入啲移英WhatsApp group，我老公居然冇通知我，應承一個唔識嘅單親媽媽接佢機，接佢去新屋。雖然我哋離機場只係10分鐘，都係見人可憐幫下手，我睇返啲WhatsApp紀錄（我同我老公由拍拖一直都知對方電話同信用卡密碼，隨時可以互用嘅） 個單親媽媽每日不停搵佢，早晨晚安食晏未，我老公就應下 emoji， 最後我叫佢自己 call uber block咗佢。可能佢冇心，但我感覺唔好，我亦有省我老公，呢條線對我已經過咗啦。」
而一名人夫更指，好多男人幫女人整車整到上睡房，斷言樓主的老公已外遇，「好大機會佢同你老公已經搭上咗，所以佢先至會對你有呢個態度，因為心虛，我見呢度都好多男人幫女人整重整到上睡房，我之前都試過幫過太空人媽咪整車，後來熟咗之後佢都趁小朋友返咗學叫我去佢屋企幫佢整水喉，你要明白人有生理需求好正常，但有啲人嘅自我控制能力差啲」。
收藏
取消收藏
分享
