【點新聞報道】任何人士在公眾地方大小便均屬違法！有車主在網上分享一段車cam影片，一名男子在停車場內，在車主的車輛後面小便，更將用過的抹手紙棄置在車尾燈後，便取回自己的座駕駛離停車場。車主不滿直指商場有廁所，鬧爆「係要屙落我車尾咁賤格」。
該車主在社交平台threads上載一段車cam影片，指日前在黃埔花園停車場，有男子在其車尾小便。他強調自己無阻人出入上落車，亦無同人結怨，「商場有廁所，就算趕出車，成個車場咁大咁多吉位，你搵個角落頭屙都得，係要屙落我車尾咁賤格，仲要放啲抹手紙係我盞尾燈」。樓主籲網民幫手認人，「麻煩親戚朋友同事出嚟認一認係唔係你隔籬嗰個」。
影片引起網民熱議，「今時今日要幾Xuo至會以為人哋架車無cam？」、「唔怪之得黃埔車場成日有尿味」、「屙尿會先抹手，呢個習慣幾有趣，personal hygiene max」、「真係好Xk賤種, 樓上咁多廁所可以用，忍唔到都屙自己車後面啦，畀人當場周到，真係被人打到豬頭」、「呢個故事教訓佢，就算要屙都屙喺自己架車後面」。
收藏
取消收藏
分享
