【點新聞報道】容祖兒昨日（23日）現身時尚品牌BALENCIAGA新店開幕活動，席間向傳媒大談「25+英皇群星演唱會」的排練進度。她直言近日為演出繃緊神經，預告屆時將帶來高難度唱跳表演，更在活動中激讚「男神」魏浚笙（Jeffrey）「靚仔」。
容祖兒受訪時透露：「最近日日在排舞室，成日同其他歌手碰面，但各有各練，好少交流。」她笑言通常都是別人來「踩場」探望自己。提到演唱會內容，她興奮分享：「今次特別請嚟我好欣賞嘅韓國團隊負責編曲同排舞，到時有一日會集中唱慢歌，另一日就全場快歌。最誇張係其中一段17分鐘嘅舞蹈環節，我要不停跳唱，所以呢排個腦繃得好緊，真係冇時間應酬其他人。」
被問到會否與張敬軒合作，容祖兒斬釘截鐵回應：「冇呀，各自表演啦。」再追問可有打聽對方的演出內容，她笑說：「邊得閒打聽？自己嗰Part都未搞得掂，搞好自己先啦！」
同場的魏浚笙（Jeffrey）人氣高企，記者笑問可有被對方「電親」，祖兒大方承認：「有呀！其實唔係第一次見，但每次見到都覺得佢又靚仔咗！」她坦言雖與Jeffrey不算熟絡，多數只打招呼，但直言非常欣賞這位後輩：「佢係一個我好睇好嘅新人，唱歌都好唔錯，希望佢將來歌、影、視都順順利利。」
（點新聞特約記者陳惠芳報道）
收藏
取消收藏
分享
