【點新聞報道】不少港人無能力、英文都唔識，但又要學人移民英國，去到才發覺係工作生活都困難重重。有移英港人發文圍爐訴苦，話「平時返工時同啲同事雞同鴨講」，結果釣出不少有口難言的同路人。
該名移英港人在fb專頁「英國香港人工作支援群組」發文，提及自己工作上遇到的語言障礙，想搵人圍爐取暖一下，「有冇英文同我一樣唔好嘅谷友？平時返工時同啲同事雞同鴨講，我聽唔明佢哋啲英文，佢哋又聽唔明我講咩點算？」。
原來無能力又點只佢一個吖，不少同路人都留言大呻苦況，「你是我同路中人...我也是這樣。我唯有少說話；多做事。嚟咗三年，英文係有少少進步的」、「我都係，由第一日聽得2成，到4年後嘅今日聽到5成」、「我返咗工2個月，大部分人英文都聽唔明⋯⋯尤其係D黑鬼同呀差，英國人就講到西咁快….加上公司得我一個黃種人，而家好似自閉症咁樣…」。
有同路人指是當地人有不同口音問題，「自問喺香港讀中學大學時，我嘅英文都唔差。但嚟到英國根本兩回事，香港學啲英文根本唔係攞嚟同英國人講嘢嘅！」、「喺香港做咗好多年國際貿易，一般都係對住外國人。自問英語流利。但係試過係電話俾一個CS印度人問我識唔識英文。」有人更因此索性回流，「我就係，聽唔明，講唔掂，英文障礙係我其中一個回香港嘅原因。」
收藏
取消收藏
分享
