【點新聞報道】當初不少黃店打住所謂追求「民主、自由」嘅旗號走去英國，點知當地搶劫犯罪猖獗，很多黃店都遭殃，然而報警竟被冷待。有黃店無可奈何下惟有硬食，慨嘆「無端端要承受做1年都賺唔返嘅損失，心入面真係好難受」。
社交平台fb專頁「英國罪案紀錄 UK Criminal Record」日前發文，直言很多在英國的港人店舖被爆竊，「繼南華行倉庫被強行霸佔，民聲冰室老闆倫哥被扑爆車打劫之後，又一間港人經營的泰拿商店被劫。」專頁不禁反問「英國好安全」，再抵死hashtag（標籤）「#又學bno人話齋我住果區治安好好喎」。
而「泰拿小店」在社交平台分享在英國慘遭爆竊的慘痛經歷，指早上返工發現倉庫被洗劫，報警後英國警察沒到場，只在電話中給予報案編號，「尋晚，我哋個倉庫畀人爆咗。後門被撬開，倉入面一片狼藉，Office被搜掠。部份工具、器材，電子設備已經唔見咗或者損壞咗。今朝我哋第一時間報警。但最後只係得到一個 reference number，唔會有警察到場」
該店對英國警方辦案手法頗為不滿，大呻「就好似冇人會理咁樣」，話一直以來對所有事都好小心，但偏偏就被盜賊選中，慨嘆「無端端要承受做1年都賺唔返嘅損失，心入面真係好難受」。
經點算後，該店表示今次損失的金額過萬鎊，「雖然我哋有買保險，但了解理賠程序後相信唔會係一個短時間內就可以獲得賠償，亦難以賠足。可以做嘅已經做咗，唯有硬食….」。
不少移英網民都鬧爆英國警方不作為，「垃圾英國」、「所以英國乜都係要買保險買咗保險畀人爆咗咪claim保險囉!見怪不怪」、「最嬲係警察不作為，喂大佬你搵個人扮吓野都好！英國果然係懲罰努力工作嘅人；獎勵懶惰嘅人。懶惰嘅人嚟英國有前途呀，有社會福利補底，得閒鍾意攞幾件又得，食大茶飯又得，夠厚顏無恥就可以啦！」、「治安差左，光明正大店鋪偷野常見無人敢捉因為penny crime 少過200磅唔會立案調查，入屋爆格成日有警察都係唔到場因為個個蒙面帶手套捉左都會因為監獄無位即放...自己只可以自保。」
收藏
取消收藏
分享
