【點新聞報道】網上近日瘋傳一段影片，可見一名男子攜帶電動行李篋在一港鐵站內，被多名職員及警員截停。男子聲稱行李篋是「輪椅」，遭警員當場駁斥「呢個唔係輪椅！」，男子隨即改口指是「拖篋」，並叫警員「唔啱咪告我啦」。事件引發熱議，不少網民支持警員執法。
有網民在社交平台threads 發文講述事發經過，「風火輪行李篋唔俾入港鐵站發爛渣，乘客話：你話係就係呀，阿Sir話：我之前揸巴士嘅，我話係就係。片長！」從其上載的影片可見，一名警員高聲向拐杖男稱：「我話畀你聽依個唔係輪椅，你聽唔聽到，你話係輪椅就輪椅呀！你話係呀！你有冇搞錯？你個腦係咪有問題呀？」拐杖男就反唇相譏：「你個腦有問題呀，輪椅都入得，我呢個唔入得呀？」
警員隨即取起電動行李篋放在欄杆上，並向圍觀市民稱：「咁多位街坊，你話畀我聽呢個係咪輪椅？」拐杖男又稱：「我依家拖篋咋喎！我依家唔係輪椅！」。有圍觀的街坊指：「電動呀！」、「危險呀！」，拐杖男反駁：「危險，咩危險呀，國家出呀，3C法例呀，我搭飛機去加拿大來回都得㗎」。
警員再三強調：「呢張唔係輪椅！」，拐杖男則連環發炮：「依家係拖篋、依家拖篋、依家拖篋」，警員續稱「我頭先叫你細聲同我講嘢，你點呀？」。拐杖男反問警員「咩呀！你嬲呀？唔啱咪告我啦，告我啦，告啦告啦，你鍾意就告啦！我要法官，我問法官，議員我問咗兩個喇，議員叫我等。告我啦，我要搞大佢，登報紙，個個都係傻嘅！」其後有一名警員上前勸喻拐杖男，片段亦至此完結。
片段引起網民熱議，不少人支持警員執法，「今鋪我撐個差佬啦」、「阿sir做得好」、「支持警察嚴正執法」、「支持長官，但今次真係做得好」、「無牌使用非法行動電源工具，起碼告三條罪」、「刁民！電動可移動工具已經犯五條法例！ 拉上差館啦！」。
自2026年1月1日起，港鐵已全面禁止乘客攜帶各類電動可移動工具 (Electric Mobility Devices, EMDs) 進入車站及車廂範圍。禁止攜帶工具涵蓋電動單車、電動滑板車、電動單輪車（風火輪）、電動平衡車及電動行李箱。至於殘疾人士或行動不便人士所使用的電動輪椅獲豁免。
收藏
取消收藏
分享
