【點新聞報道】早前有網民分享一宗怪事，指在堅尼地城跑步時，發現地上一張金燦燦的千元大鈔，內部裹了一粒香口膠。網民驚訝「港島嘅人係咪真係有錢到咁？」
樓主上傳照片，配文寫道：「堅尼地城跑跑下步見到張1000蚊。紙原來有條友（有錢人）用咗嚟包香口膠。利申：放返咗喺地下」。他震驚「港島嘅人係咪真係有錢到咁？」，引來網民留言「咁核突，你（樓主）用手拎起咗已經好勇敢」。
另有人表示不解「咁有公德心包起嚿香口膠，但又隨地掉，好矛盾，而且而家都好少見人食香口膠，成件事好怪」、「$1000+香口膠+隨地棄置，成件事都好迷惑」、「一千蚊一粒香口膠，係我見過最貴嘅」。
事後，又有網民提出猜想：「會唔會係求救訊號？喺高處掟落街，用香口膠有少少重量」、「降頭？」、「借運？」、「邊有咁大隻蛤乸，有機會係邪術，千祈唔好執呀！」、「成件事唔太合理，一千蚊要特登唱，特登唱完仲要攞嚟包香口膠，呢個咁奇怪，我就點都唔會執囉」。
根據《刑事罪行條例》，鈔票列入財產一項，任何人士若在沒有合理解釋情況下，破壞或損毀他人財產都屬違法，違法者若罪名成立，最高刑罰是入獄10年。
收藏
取消收藏
分享
