【點新聞報道】近日有移英港人發文大呻英國工作的心酸經歷，指在國外生活並非能夠實現工作與生活平衡，同樣要加班、連午餐時間也僅有30分鐘，引發網上熱烈討論。
該名移英港人在社交平台threads發文表示，不少人以為在外國生活就能工作與生活平衡，但事實並非如此，「好多人以為喺外國生活就一定Work Life Balance，但嚟到先發現真係諗多咗」。
樓主指出，中午用餐時間短，甚至還有同事邊吃邊工作，「呢度啲人睇落好似好懶散，但原來佢哋lunch可以唔放，直接咬住個£3 meal繼續做，就算放lunch都係得個30分鐘，食到趕頭趕命，呢方面真係接受唔到，以前香港食飯無返一個鐘都唔歸位啦！」。並且同事們下班後也會加班，「以為夠鐘收工就走人，點知啲同事會照OT，做完啲嘢為止，有啲就準時收，但返屋企開機繼續做」。對此，樓主驚呼「好XX」。
樓主更發現，「仲有啲歐洲vendors（供應商），19:00仲覆緊emails，仲要係南歐！真係大開眼界！」樓主表示，「利申：（自己）已經喺英國做過兩間公司」。
帖文掀起熱議，不少網民表示認同，「Lunch多數得30分鐘仲要無薪，邊會食一個鐘吖」、「其實係，快時可以好快，甚至不停做」、「agree，忙可以忙過香港」、「同感，我得30分鐘lunch仲要無pay，但準時放工」、「London big 4直頭係onX9，朝9晚11，放飯係15-30分鐘喺電腦面前啪meal deal，人工仲要低過出邊，完全係俾狗做」、「絕對同意，好視乎咩行業咩公司。好多同事喺個位邊食lunch邊做嘢。一有deadline一個星期幾晚OT，係夠鐘熄機走人，返屋企再開機做」、「Work-life Balance只係口號，呃細路而已」、「忙起上嚟真係好忙，但勝在唔係每分每秒都咁chur。得罪講句話 work-life balance嗰d，其實真係要睇返乜嘢工種」。
亦有網民嘲諷，「睇完都心諗，其實佢係咪誤解咗以為balance係chill到唔使做？」、「因為你去到變咗基層同藍領」。
收藏
取消收藏
分享
