【點新聞報道】日前有港女分享新型詐騙手段，指收到一封偽造的政府信件，港女提醒若收到類似信件要保持冷靜，切勿隨意掃描信件上的二維碼。
該港女在社交平台發文，表示出租近10年的單位最近收到一封既不是屋主，也不是租客名字的信件，「然後租客擔心有問題就問係咪屬於屋主？」。經過諮詢AI及法律意見後，樓主發現該信件存在諸多疑點。
樓主解釋道，第一，虛假部門，「香港冇一個獨立嘅政府部門叫『檢控部』」。第二，期限不合理，「郵章日期表示係4月10號發出，但係要你4月17號回覆，根本都唔make sense，因為寄信同回信都起碼一兩個工作天先收到，肯定想要你好急之內回覆」。第三，法律程序不符，「抄封令唔係檢控部嘅事。抄封令（封票或者財物扣押令）係民事執行，唔係刑事檢控。」
樓主感嘆道：「原來呢啲係新型詐騙，啲騙子真係（連）郵政印章都做得好似」，並且提醒市民「所以收到信後真係定啲嚟，收到記得千祈唔好scan佢個QR code。」
帖文引發熱烈討論，不少網民驚呼「有落本喎！」、「真係好xx，全方位詐騙」、「多謝樓主提醒，會警惕」、「詐騙越嚟越犀利」、「個QR code，特登放喺個窗口就係想你急起上嚟，即刻scan佢，咁你咪上釣囉」。
亦有網民分享辨別技巧，「政府信唔係用郵chop（郵戳），係已經印刷埋郵資已付，政府信要用郵chop（郵戳）都係紅色印，仲有日期印轉咗用圓印好耐，而且係會有埋郵費，唔係就咁郵資已付」、「封嘢無『香港政府公函』」、「絕對保密但用開窗信封」。
收藏
取消收藏
分享
