【點新聞報道】近日，一名移英港女在網上發文感嘆，移民英國後面對物價飛漲，身邊朋友為了省錢可謂「去到幾盡」，她分享友人匪夷所思的慳錢招數，招來網民質疑「移民移到咁辛苦，為乜??」。
該名移英港女發文話，「移英呢幾年，生活迫人，百物騰貴。水費電費油價council tax樣樣升，為咗慳錢，可以去到幾盡？」，其笑言「有時諗起呢啲匪夷所思嘅『行為』真係幾好笑又onX」。
樓主共列出11條慳錢招數，涵蓋生活支出和外出消費。生活支出方面，「為慳水，一家人輪流痾完先儲起，一次過flush」、「自己車自己整，撞凹咗車門，eBay買二手門、youtube自學自己換（只怕英國車房唔熟唔食）」、「Costco黐朋友先去慳返會費（開咗卡就心思思去）」、「屋企花園種菜自給自足（只限喜歡農務人仕）」、「乜都DIY，包辦屋企裝修油油、花園地磚自己鋪」、「冬天慳電，穿羽絨開暖氈唔開heat（我怕凍唔得）」。
而外出消費方面，「youtube學剪髮染髮，老婆學完幫老公阿仔剪，（信唔過出面髮型師）」、「出街飲杯都孤鬼寒，寧（願）返屋企自己沖，Costa、Starbucks難飲仲要勁加價」、「餐餐自己煮，盡量去西超（市），減少去中超（市）」、「出街食飯只吃日韓和點自己整唔到嘅菜式」、「迫自己online shop groceries，限住budget（減少即時購物的衝動，次次去一定洗突）」，樓主亦讓同路人接龍分享類似經歷。
帖文掀起熱議，許多同路人留言分享自己的慳錢招數，更有同路人坦言「住過喺英國幾年就明白，冇誇張! 費用不斷升，有幾多身家都唔夠俾咁」。
不少網民直言，「唔浪費當然係好啦！但係移民係長期喺度生活，做得太盡會好容易產生負面情緒，對身心冇益嘅」、「如果移英要過這種低質（素）生活，寧願留返在香港，起碼HK好多平靚正好嘢吃，交通便利，現在又可淘寶拼多多，日日在買買買，閒時返上深圳玩，生活很好過喎」、「你諗得點慳，不如諗方法點搵多啲」。
收藏
取消收藏
分享
