【點新聞報道】蕭正楠與黃翠如是圈中公認的恩愛夫妻，自去年3月迎來兒子「蕭哈哈」後，常於社交平台分享一家三口的生活點滴，羨煞旁人。
黃翠如笑言，這次夫妻檔合體搵奶粉錢的過程相當有趣：「客戶很放心讓我們用自己的默契去演繹，好多鏡頭都是一take過，好好玩。現在我們習慣了做爸媽，今次在片中只有我們兩個，算是一次小拍拖。」
提到剛滿1歲的蕭哈哈已很有鏡頭感，會否考慮親子檔拍廣告？翠如坦言暫時不想讓小朋友接觸這行業，因為BB拍攝很辛苦，環境沙塵滾滾又嘈雜，孩子可能不太習慣。蕭正楠則大爆兒子遺傳了他的唱歌天分：「他好鍾意唱歌，可能當時在媽媽肚裏成日聽我唱，所以潛移默化。」
成為父母後，兩人都變得養生，戒掉熬夜。黃翠如說：「每朝一早起身就同BB搏鬥到佢夜晚瞓覺，好多時飯都未食完已在廳瞓着，所以現在可以早睡早起。」蕭正楠亦加操運動，每日抱仔玩樂消耗不少體能，更戒了飲冰水，改為早起飲暖水養腸胃。
蕭正楠透露兒子已懂性，見父母出門會失落：「有幾次我哋一齊出咗去做嘢，走咗之後聽到佢突然爆喊，指住門口好似話『點解走咗呀』，真係好唔捨得！有時佢望住我嘅視頻會笑得好開心，揸住我啲相嗌『爸爸、爸爸』，sweet到爆炸。所以而家除非必要的工作，盡量都唔會在外面過夜。」
（點新聞特約記者陳惠芳報道）
收藏
取消收藏
分享
