【點新聞報道】日本素以治安良好聞名，亦是港人熱門旅遊目的地。惟近日有港人分享在東京旅遊期間，竟於酒店慘遭盜竊，引起網上熱烈討論。
該名港人於社交平台發文表示，早前臨時決定前往日本旅遊，入住的是Koko hotel Ikebukuro。事主表示外出時將銀包放在了行李箱暗格內，「我出去玩時帶咗個袋yen嘅小銀包，咁個大銀包就放咗喺喼暗格內」，其坦言「第一次喺日本酒店俾人偷錢，仲要係返到香港打開銀包先知」。事主續指，「雖然得千幾蚊，但完全冇諗過發生喺自己身上。下次要每日鎖gip（喼）先出門口了」。不過事主亦反思，「係我太鬆懈，不小心高手敬上」。
事主最終並未報警，因為其是落地香港後才察覺財物被盜，其解釋「如果要claim保險，要去當地報警攞到張證明先得」。
帖文一出旋即掀起熱議，引發大批網民共鳴。有網民表示「10年前喺由布院溫泉旅館都被人偷錢，日本人偷的，報晒警都無用，間館都包庇，返到嚟搞完一餐都追究唔到」，還有網民表示東京多間APA酒店都出了名的多小偷，更指「好多韓國遊客都話冇仇報，酒店一定會deny+幫自己員工」。
另有網民則建議事主，「我習慣，塞唔返入gip（喼）都好，影一影相...有時會check有時無check，但貴重嘢會跟身or鎖gip（喼）」、「咩幣值都會隨身攜帶，唔會放喺酒店」、「而家愈來愈多賊, 就算保險claim到（就算咋），都嬲死自己...同我會帶埋wire鎖鎖行李架，如果坐個位見唔到個gip（喼），就鎖埋一齊」、「出街永遠將所有貴重物品鎖返入喼先出門口，就算唔執房都會咁做，錢就一定會跟身」、「記得去google map及各大平台留review。我每次訂酒店前，都一定會爬文做功課，睇晒d差評先，凡係有小偷/失物review，我一概唔訂」。
收藏
取消收藏
分享
