【點新聞報道】突然沒有穩定的收入，財務壓力可想而知。近日有網民分享了一段債務纒身的血淚史，指自己曾失業長達一年半，不但求職無回音，更積蓄耗盡，要變賣金器手錶，最終走投無路，要用 6 張信用卡套取現金生活。在只還「Min Pay（最低還款額）」的惡性循環下，累積欠款約五、六十萬的巨債，令他一度以為「呢世玩完」。幸好，最後樓主終於覓得工作，再用類似債務重組的方法，成功擺脫債務。
該名網民在fb專頁「裁員炒人消息關注組」分享自身經歷，「回望之前失業了一年半，日日寄求職信冇回音，不用半年已經用盡早年工作的積蓄，最後要變賣金器手錶套現金，但都只可以支持正常生活幾個月，最後走投無路，要用信用卡套取現金生活。」
無奈之下樓主用信用卡套現生活，「我用咗六張信用卡套現，前前後後套現咗大約十四、五萬，之後每月還min pay…我記得有啲更係遲交要再罰款，最後高息之下，累積欠款約五、六十萬…都諗住呢世玩完…」。
樓主羅列每月家庭開支，「供數$2xk/月.. insurance，老婆及囡囡生活費..父母外家家用…日常開支…管理費…還咭數…fixed cost.. 冇得cut..」，更反問「你哋未試過自己頂一頭家？」。
幸好天無絕人之路，樓主表示「好彩之後一年半終於搵到份工，跟住有銀行用類似債務重組的方法，用其中二張信用卡的信貸餘額，用高少少息的貸款方法，用嚟玩咭數，再每月定額還款，最後我前前後後都用了三年才還清所有欠款…」。
樓主所用的債務重組方式，銀行將其中 20 萬的欠款轉為分 36 期、每月還款 $7,000；而其餘 5 張卡改為每月還Min Pay（每月共 $11,000）。換言之，他每月至少要用 $18,000 來還卡數，「最後三年後，我記得我cut咗八成的信用咭，到現在都只hold 住二張信用卡」。經過今次事件，樓主亦有所領略，包括：平時要儲錢，不要個個月做月光、不要用信用咭套現，超高息，以及不要裸辭。
帖文引起網民熱議，不少人質疑事件真偽「先唔講真定假，師兄失業年半，唔計你積蓄，你嗰段時間借咗五六十萬，都好高消費下」、「條數唔岩（啱），IDRP既程序都唔岩，係咪詐騙？」、「你一年用51萬咁大開支？」、「本來都無咩嘢，後來你話要供樓又有一家大細就覺得有d假。」不過，亦有網民表示理解「明呀，一個家庭開支，擘大對眼唔郁都要使錢」、「現實好多人都係咁」、「浪子回頭金不換」。
收藏
取消收藏
分享
