【點新聞報道】想像永遠都是美好，但現實往往好殘酷！一名移民英國4年的香港女子網紅近日在社交平台發布影片，大呻「好似我咁普通嘅女仔，喺London真係生存唔到」。
該名港女在社交平台IG以「普通嘅女仔，真係唔適合喺倫敦生存」為題發布影片，大呻在倫敦搵工艱難，「搵工搵咗大半年，由一開始淨係apply自己嗰科嘅工，到之後乜嘢都apply，樓面、retail，你諗過嘅，我全部都有apply」。結果叫人大失所望，「一係唔覆你email，再唔係試完工就話你唔適合」。
她坦言感到十分焦慮，更產生了自我懷疑，「講真勁Anxious，究竟係咪真係我有問題」。然而，現實生活壓力撲面而來，已不容她多想，「但現實已經唔到我諗，我就要交租，而家even我見到曾經以為好簡單可以入（行）到嘅工，我都會驚」。她直指，在倫敦最棹忌就是普通，慨嘆「我以前真係信或者努力就得㗎喇，但嚟到London先發現，普通嘅努力，喺呢度真係可以收皮。」
影片引來不少移英港人共鳴，「明白・的確好難㗎~ 我喺Birmingham住咗三年，生活唔容易！」、「我嚟到英國讀完專科，諗住出嚟一定會搵到工，畢咗業之後搵咗大半年先搵返本行。呢段時間期間諗過好多次放棄直接返屋企，經濟壓力大到爆炸」、「 歧視肯定有㗎啦，而家經濟低迷，我哋外地人要搵工就更加難。」、「我都係喺英國生活3年！頭一年搵極都搵唔到工，好難過好挫敗」。
收藏
取消收藏
分享
