【點新聞報道】騙徒手法層出不窮，真係要時刻保持警覺！有網民近日在分享一宗懷疑自動櫃員機（ATM）騙案，指其父親提款時，ATM機竟自動彈去轉帳頁面，故提醒長者使用提款機時要格外小心。
該名網民在fb群組「大埔人大埔谷」發文表示，其父親在太和廣場一部櫃員機提款，前方有一名男子剛完成交易後，並未有離開而在附近逗留，「今日聽到阿爸講，佢去提款，但前面有個男人喺個機撳完，但又冇擺到錢，之後行咗去隔離嘅舖頭扮睇嘢，但一直望住櫃員機方向，咁我阿爸已經留意到呢個人一直望住佢」。
當其父親插卡後，畫面竟自動跳至轉帳頁面，父親察覺異常，立即取卡並轉往另一部機器提款，該機則運作正常，「我阿爸諗住撳錢，佢就發現點解個頁面會去咗轉帳度，但以為自己撳錯所以取消再撳一次，今次佢撳查詢餘額，但都係彈咗去轉帳頁面，之後我阿爸發現唔正常，就撳返張卡出嚟去第二到攞錢，而第二部機所有嘢一切正常」。更令人不安的是，樓主父親發現該男子隨後返回提款機，「喺我阿爸離開嘅時候佢亦都見到嗰個男人行返去櫃員機度唔知睇啲咩。」
帖文引起網民熱議，「呢種情況一定要報銀行或者報警」、「即時通知銀行，或報警。可能已經係入卡位裝左scanner 讀取資料」、「請Cut卡/改密碼，可能裝左card reader」、「所以最安全係手機 app NFC / QR code 提款」、「即時同銀行講，要求報警跟進」。
收藏
取消收藏
分享
