【點新聞報道】不少移民英國的港人過着二等公民的生活，一名移英人妻偕丈夫日前到倫敦自然史博物館推出期間限定寶可夢（Pokemon）快閃店，點知入場時，被保安攔住，其後更惡形惡相地趕他們離場。人妻當刻深感屈辱，豆大的眼淚落了下來，並揚言經此一事，自己「要晉升成為反英大將軍」。
該名移英人妻在社交平台threads發文講述受屈辱的遭遇，指入場時，被保安攔住，其後更趕他們離場，「喺Natural History Museum 抽中咗個Pokemon Event，兩張飛，不過唔同時間前後15分鐘。讀完張飛準備行入去，本身乜嘢都好地地，跟住有個保安，衝過嚟問我哋點解係screencap，我哋就即刻開返個app俾佢睇，跟住個保安就攔住，我哋話我哋已經入咗去唔俾我哋再入。原句：get out of here, there’s no room for discussion.趕咗我哋兩個走，我覺得用個趕走呢兩個字都寫得太輕和。」
不甘受辱的人妻立即找經理投訴，「已經一肚火即刻話想搵佢哋嘅經理傾吓偈，但係都係表現得好友善，講完一輪，最後都係叫我哋自己上網投訴，但係就話叫我哋照入去行。」人妻感到經理大耍太極，「其實等咗好耐feel到佢純粹只係叫嗰兩個保安行開咗，然後就諗住大家扮冇嘢」。
她的丈夫諗住攞個尾彩，要求保安員當場道歉，結果再一次被落面，「我老公後尾見返個保安就同佢講話唔該你同我太太道歉，你哋啱啱個態度真係好差，個保安一句說話都冇講啤住我老公」。
最終人妻當場爆喊，恨不得掌摑對方「個咁嘅死人樣，我真係好想一拳超人咁樣一巴巴車落去，但係當其時我已經好鬼委屈，跟住啲眼淚已經停唔住。」事後人妻已寫信投訴，更表示「嚟咗英國一年幾，估唔到終於要晉升成為反英大將軍」。
不少網民支持人妻的決定，「我支持你反英，因為而家既英國唔係以前既英國，大不如前，仲有啲不知所謂」、「同意，而家既英國同我以前黎既完全唔同哂」、「支持你拉上種族歧視嘅層次」。
收藏
取消收藏
分享
