【點新聞報道】有移民英國的港媽當初搵子女做擋箭牌，聲言移民是為了子女將來着想，結果在當地生活不如意，就怪罪在兒子身上，話「因為你先會移民」，令兒子十分無奈。
有一名跟隨家人移民的13歲男童，在社交平台threads發文抱怨，話媽媽不斷將回流香港掛在口邊，「我老母每個月至少都講一次返香港呢個字眼，今個月仲恐怖，日日都至少講一次回流返香港，我鬱一鬱就話返香港」。不過，樓主坦言想完成學業才回港，「但我唔想我想喺度讀埋書先返去」。
樓主指媽媽將當初選擇移民的原因歸咎於他，「今日又講，又話因為我先會移民」。樓主指媽媽英文唔好，又嫌當地生活落後，所以無法融入，「純粹佢覺得呢度落後+英文唔好」。
樓主遂「圍爐」大吐苦水，問網民「有冇人同我一樣？」。帖文引起不少網民共鳴，「我老豆之前都係咁… 最後佢真係回流咗，好彩佢都想我喺度升U所以俾我揀留返喺度，唔係嘅話如果佢迫我返埋去要重新適應dse個syllabus我第時瞓街都似」、「辛苦你了，某程度上都希望你媽咪純粹係想發洩情緒先會咁講，真係實行嘅話有好多嘢要煩… 但係either way你都係經常俾人情緒勒索緊，要好好照顧自己心理健康」。
收藏
取消收藏
分享
