【點新聞報道】薛家燕（家燕姐）與范振鋒、思敏主持的新城《開心大派對》今日（28日）邀得多年好友謝天華（Laughing哥）作嘉賓接受訪問。訪問結束後，Laughing哥聯同新城一眾管理層秘密為家燕姐提早慶祝3月30日生日，令家燕姐大叫好驚喜，Laughing哥更吻賀壽星，逗得家燕姐開心笑得十分燦爛。
大家更要求Laughing吻賀壽星女，Laughing搞鬼扮借位，裝作要吻卻又閃開，令家燕姐及大家哈哈大笑。最後他收起玩笑，滿臉真誠地在家燕姐的臉珠送上祝福的生日吻，全場歡呼。家燕姐再次感謝大家，並謂得到大家祝賀，心境特別開朗、青春，身體繼續健康，並笑言會愈來愈靚。至於生日願望？她認真說：「心裏願望，世界和平、唔好有戰爭，香港經濟翻身，大家都工作愉快，同埋最緊要身體健康。」
家燕姐每年母親節都會與大家一齊慶祝，她透露今年將於5月10日，母親節正日舉行母親節活動《幸福·家燕 星光盛宴》，活動主題大玩不同地方及民族服飾，並邀請多位歌手好友到場一齊慶祝，包括周吉佩、張與辰、張馳豪、詹天文、鍾柔美、林智樂、馮熙燮及柯雨霏。
家燕姐又言期待再開演唱會可再一次邀請謝天華做嘉賓，更反問謝天華「夠唔夠力抱起我？」謝天華即快口拒絕「你搵第二個啦」，她續說：「記得嗰次從影60年演唱會，有一Part同佢跳拉丁舞，係跳得好勁，最後嗰吓佢係抱起我，佢即刻嘩一聲。其實抱起嗰吓唔緊要呀，係要等個升降台降落去嗰吓先難，哈哈！其實我喺嗰個騷之前食少咗好多嘢。」
謝天華笑言：「我知，係輕咗幾克咁樣囉。條腰好彩冇事，但係我想講係成個娛樂圈冇人敢接呢份工作，係得我敢接嘅啫，不過嗰次演出係好成功嘅，當時掌聲係好多嘅，同埋我知現場好多人叫天華頂先呀。」
（點新聞特約記者陳惠芳報道）
收藏
取消收藏
分享
