【點新聞報道】好心啦，冇錢不要學人移民！有窮港爸日前發文話，計劃攜同兩名年幼子女移民英國，但就驚他們身材矮小，屆時會在學校被欺凌，希望可以降班咁話。不過，就被不少網民極力勸退，「無乜錢真係唔好嚟」、「無錢喺英國生活，根本係地獄」。
該名港爸在fb「英國香港人生活交流區」發文話，計劃攜同兩名子女移英，希望網民分享當地升學經驗，「一仔一女太細粒，喺香港讀緊六年班，去到UK可唔可以選擇由五年班讀起？驚佢哋未適應同會被bully同埋我本身無乜錢，應住邊度郊區比較好？」。
帖文引起網民熱議，不少人紛紛勸退樓主，「先唔講五定六年班，無乜錢真係唔好嚟」、「無錢喺英國生活，根本係地獄」、「其實無錢真係唔好來，呢度樣樣都係錢」、「有小朋友無3球港紙過嚟燒2年就咪過嚟，仲要2個大人之後搵到嘢做先生活到」。
有網民指英國生活成本高，直指連呼吸都要錢，「未嚟嗰啲以為呢啲說話好難聽，但係過來人真心話，就知道每個月呼吸費都成千鎊!（呼吸費即係唔食唔玩唔出街所有Utilitly bills，Council tax，insurance...)」。
有網民分析指，「可能要跳班，仲諗住降班，冇得俾你揀，冇乜錢就往北上，但係相對交通冇咁方便，學校亦冇咁好，工作機會亦相對少，所以都係嗰句，嚟到預咗兩年冇工做都生存到先好嚟，英國生活成本好很貴，租金、council tax，水電煤最少£1500，仲未計養車同食」、「呢度搵工，冇想像中咁易。好多人全職Below 2000鎊。租屋都冇咗大半，水電煤食嘢都好貴。小朋友要好有心理準備。愛心好強大。見到有中學過嚟嘅小朋友有情緒問題」。
有網民勸樓主三思，免得搞到家破人亡，「英國向來階級主義都係好重，種族歧視都度度都有，由學校到出街坐巴士都有機會遇到，再加上治安唔好，你無錢又無咁嘅心理準備，我就勸你一動不如一靜。如果唔係，搞到家破人亡，就唔好啦。」
收藏
取消收藏
分享
